ናይ ኩባ ብፁዓን ጳጳሳት ቤት ምኽሪ ሓፈሻዊ ኣኼባኡ ኣብ ዝኸፈተሉ እዋን ነቲ ሓፈሻዊ ጉባኤን ኣብ ኩባ ምብጻሕ ዘካይዱ ዘለዉ ናይ መራኸቢ ብዙኃን ጉዳይ ዝሓሊ ጳጳሳዊ ቤት ምኽሪ ሊቀ መንበር ብፁዕ ኣቡነ ክላውዲዮ ማሪያ ቸሊን ሓድሽ ሓዋርያዊ ወኪል ቅድስቲ መንበር ኣብ ኩባ ብፁዕ ኣቡነ አንጀሎ ቤቺዩ ንናይ ኩባ ቤተ ክርስትያንን ካህናትን ምእመናንን ዓቢ ምኽንያት ሓጎስ ከምዝኾነ ተሓቢሩ።

ብዝሓለፈ ረቡዕ ኣብ ሃቫና ካቴድራል፣ ዓመታዊ በዓል ቅዱስ ካሮሎ ቦሮመዮን ውግዓዊ ምጅማር ሓፈሻዊ ጉባኤ ናይ ኩባ ብፁዓን ጳጳሳት ቤት ምኽሪ ምኽንያት ኣብ ዝዓረገ መስዋዕተ ቅዳሴ ሓድሽ ሓዋርያዊ ወኪል ቅድስቲ መንበር ብፁዕ ኣቡነ አንጀሎ በቺዩ ምስ መእመናን ኩባ ተላልዮምን ናይ ኩባ ቤተ ክርስትያን ወትሩ ንናይ ሮማ ጳጳስ ዘለዋ ተኣማንነትን ሕጂ እውን ቀጻሊ ኮይኑ ወትሩ ከተረጋግጾን ብዘሎዎም ዓቕምን ክእለትን ምሉእ ምትሕብብራር ከገብሩ ምዃኖም ከምዝገለጹ ተሓቢሩ።

ሓዋርያዊ ወኪል ብፁዕ ኣቡነ በቺዩ ኣብ ካቴድራል ቅዱስ ክሪስቶፎሮ ምስ በጽሑ ብናይ ሃቫና ሊቀ ጳጳስ ብፁዕ ካርዲናል ኻይመ ኦርቴጋን ካልኦት ናይ ኩባ ብፁዓን ጳጳሳትን ብሓባር ኣቀባብላ ከምዝገበሩሎም እንክንገር እቲ ዝዓረገ መሥዋዕተ ቅዳሴ ምስ ኩሎም ብፁዓን ጳጳሳትን ኣብ ኩባ ሓዋርያዊ ምብጻሕ ዝገብሩ ዘለዉ ናይ መራኸቢ ብዙኃን ጉዳይ ዝሓሊ ጳጳሳዊ ቤት ምኽሪ ሊቀ ጳጳስ ብጹዕ ኣቡነ ክላውዲዮ ማሪያ ቸሊን ብሓባር መሪሖም ነቲ ዝተገበረሎም ኣቀባብላን ብናይ ኩባ ብፁዓን ጳጳሳት ቤት ምኽሪ ሊቀ መንበርን ናይ ሳንቲያጎ ዘ ኩባ ሊቀ ጳጳስ ብፁዕ ኣቡነ ዲዮኒሲዮ ግራሲያ ኢባኘዝ ንዝቐረበሎም ናይ እንቋዕ ደሓም መጻእኩም ናይ ሰናይ ኣገልግልጎት ትምኒት መልእኽቲ ኣመስጊኖም ናይ ኩባ ቤተ ክርስትያን ናይ ተስፋ ክቡር ዋጋ ክትነብርን ክትምስክርን ኣተባቢዖም።

እዚ ከምዚ ኢሉ እንከሎ ናይ መራኸቢ ጉዳይ ዝሓሊ ጳጳሳዊ ቤት ምኽሪ ሊቀ መንበር ኣብ ናይ ኩባ ብፁዓን ጳጳሳት ቤት ምኽሪ ሓፈሻዊ ጉባኤ ብሽም ቅዱስ ኣቦና ተረኺቦም ዝሳተፉን ቤተ ክርስትያን መራኸቢ ብዙኃን ናይ ስነ ቀመራዊ ባህሊ ብዝብል ኣርእስቲ እስተምህሮ ዘቕረቡ ብፁዕ ኣቡነ ክላውዲዮ ማሪያ ቸሊ ትማሊ ምስ ፍራስ ፕረስ ናይ ዜና ኣገልግሎት ኣብ ዝገበርዎ ቃለ ምልልስ ናይ ኩባ ቤተ ክርስትያን ንሕዝቢ ኩባ ከተተባብዕን ክርስትያናዊ ክቡር ዋጋ ክነብርን ናይ መንፈሳውን ሰብኣውን ሕንጸት ንምስፍሕፋሕ ናይ ሓደሽ ቅመራዊ ስልቲ ዝኽተል ምዕቡል መራኸቢ ብዙኃን ናይ ምጥቃም መስል ክህልዋ ከምዝተሓሳሰቡን ክንገር እንከሎ፣ ምስ ኣንሳ ኣብ ዝገብርዎ ቃለ ምልልስ እቲ ሓሳብ ንመንግሥቲ ኩባ ከቕርቡ እውን ምዃኖምን ኣብ መንጎ ቅድቲ መንበርን ኩባን ዘሎ ርክብ ዓቢይ ምምሕያሽ እናርኣየ ይኸይድ ከምዘሎን ከምዝሓበሩ እቲ ናይ ዜና ኣገልግሎት ኣረጋጊጹ።