ናይ ፍልጥኤም ርእሰ ምምሕዳር ብሄራዊ መንግሥቲ ርእሰ ብሔር ኣቡ ማዘን ኣብ 2010 ዓ.ም.ፈ. ኣብ ዝካየድ ናይ ርእሰ ብሔር መረጻ ከምዘይሳተፉ ከምዝገለጹ ተፈሊጡ።

ኣቡ ማዘን ነዚ ውሳኔ እዚ ክበጽሑ ዝደረኾም ኣብ ማእከላይ ምብራቕ ሰላምን ምርግጋእን ንምርግጋጽ ናይ ሕቡራት መንግሥታት ኣሜሪካ መንግሥቲ ዝኽተሎ መሥርሕ ተስፋ ስለ ዘቑረጾም ኢዩ እንክብሉ ብዙሓት ዝተፈላለያናይ ዓለም ሓቆፍ ናይ መራኸቢ ብዙኃን ይገልጹ። ኣቡ ማዘን እቲ ዝወሰድዎ ውሳኔ ዋሕስ ሰላም ተባሂሉ ዝነገረሉ ክልተ ልኡላውያን ጎረባብቲ ሃገራት ምቛም ዝብል ፖለቲካዊ ውሳኔ ከየዳኽምን ምኽንያት ንሰላም ዘየተባብዑ ውሳኔታት ከይከውን ሓደራ ከምዝበሉ ተገሊጹ።