വത്തിക്കാ൯ റേഡിയോ 39 വ്യത്യസ്ത ഭാഷകളിലെ അതിന്‍റെ പരിപാടികളിലൂടെ മാര്‍പാപ്പയുടെ സ്വരവും പ്രബോധിപ്പിക്കലുകളും ലോകംമുഴുവ൯ വ്യാപിപ്പിക്കുകയും പരിശുദ്ധ സിംഹാസനത്തിന്‍റെ പ്രവര്‍ത്തനങ്ങളും സാര്‍വ്വത്രികസഭയെ സംബന്ധിച്ച വാര്‍ത്തകളും നല്കുകയും ചെയ്യുന്നു. റേഡിയോ തരംഗങ്ങള്‍, ഉപഗ്രഹ ചാനലുകള്‍, വെബ്സൈറ്റ്, തത്സമയമോ ആവശ്യാനുസരണമോ കേള്‍ക്കാവുന്ന ഇന്‍റര്‍നെറ്റ് ശ്രവ്യചാനലുകള്‍, ഇ-മെയില്‍ വാര്‍ത്താപത്രിക, പോഡ്കാസ്റ്റ്, ദൃശ്യവാര്‍ത്തകള്‍ എന്നീ മാധ്യമോപാധികള്‍ വത്തിക്കാ൯ റേഡിയോനിലയം ഉപയോഗപ്പെടുത്തുന്നു. വാര്‍ത്തകള്‍, സാംസ്കാരികവും മതാത്മകവുമായ അറിവുകള്‍ പകരുന്ന പരിപാടികള്‍, ആരാധനക്രമകര്‍മ്മങ്ങളുടെയും വിശുദ്ധ കുര്‍ബ്ബാനയുടെയും പ്രക്ഷേപണം എന്നിവ എല്ലാ ദിവസവുമുണ്ട് വത്തിക്കാ൯ റേഡിയോയില്‍നിന്ന്.